姨婆斫柴歪一歪，叫化老元赶上圩。八都圩上吃碗酒，喂哩哇啦跌断手。断手唔医㖫㖫㕬，杨乞日，做裁缝。裁缝做条淹裆裤，沅头老蔡贩夏布。夏布贩来蚀了钱，杨年仂，唱话文。话文唱到饿扁肚，尧沅万孙牵猪牯。猪牯一牵牵过河，贵福聋仂扛小婆。小婆扛来大婆欺，陈拐子，会骟鸡。鸡公仔昨吓飞过墙，陈眯子，坐柬房。柬房一坐坐上楼，毛公子，会剃头。剃头打档出了血，连沅老赵会打铁。打铁六月热又热，百顺老卢会做篾。做篾做得松松胯，尧嘟仔，会吹打。吹打𠺌哩啯，张发仂，会打鱼。打鱼贵又贵，南城仙班会唱戏。唱戏叮㖫咚，细盆会打砻。打砻不出谷，竹贵会做屋。做屋懒扯锯，老虎会打絮。打絮懒班弓，刘仕仂，做士公。士公不捉鬼，黄武潭人会造纸。造纸凌凌薄，院生会卖药。卖药冇人看，欧嘟仂，会拆殿。拆殿冇完梁，黄记仂睡契娘。日上作田做衣裳，夜上作田睡契娘，睡契娘。